Pääsy

Sjöhistoriska museummilä on aina vapa, ilmhainen pääsy.

Aukiaijat

Tiistai-pyhä 10-17
Maanantaina kiini.

Kiinnipäivät 2016:

1/1, 25/3, 24-25/6, 23-25/12, 31/12

Löytää tänne

Myseymmi on Ladugårdsgärdetillä Tukholmassa. Bussi 69 Sentraalista toppaa justhiins myseymmin ulkopuolele. Kävely Djurgårdsbronilta pitkin Djurgårdsbrunnsvikeniä ottaa suunile 15 minuuttia. Myseymmin ulkopuolela on maksolinen parkkeerinki.

Käytettävyys

Vammaisparkkeerinki on pääoven lähelä ja hissi on rakenuksen takapuolela. Tullaksheen hishiin – ota yhteyttä pääoven henkilökunnan kans porttitelefuunin kautta joka on pääoven eli hissin lähelä.

Pääovi on varustettu trapuila. Täälä on lastenvaunu ja trapunräkki.

Vammaistualettia on.

Rullatoolia ja lastenvaunuja on lainettavana myseymmissä. Kaikki julkiset tilat on tavalisesti rullatoolile käytettävänä .

Myseymmin kellarissa on imetyshuone ja luentosali missä on kuulovammaisitten laitheet.

Maholisuus on opastethuun viittomakielen esittelhyyn. Kontaktaa myseymmiä lisätioista: bokningen.sm@maritima.se eli telefuuni 08-519 549 30

Koulu

Meän tavote on ette opettajat ja opiskelijat saavat käyttää Sjöhistoriska museummiä ja näyttelyitä opetusvälinheenä ja luonolisena lisänä tavalisheen opetuksheen. Teuriin ja käytänön harjotteluila annethaan tillaa pohtimisheen, kysenalaistamisheen ja dialookhiin. Meän näyttelyile ja ainheen aloile on maholisuus varata opetustiimoja meän pedakookitten kans. Opetustiimat mennee sopheuttaa tarpheitten ja toivomuksitten mukhaan. Kouluvierailut on meän tykönä ilman kostanuksia.

Kahvila

Bistro Östbergissä sie saatat fiikata eli syöä lounasta. Joka päivän ruokalistassa on aina sallattia, paijia ja muuta keveämpää ruokaa. On kans olemassa kahvileipää, klassia ja valhmiita voileipiä.

Kauppa

Myseymmin kaupala on laaja sorttimentti ja täältä sie löyät luononystävälisiä lahjatavaraa kaikissa hintaluokissa. Moni meän tuotheista on otettu esile erikoisesti myseymmile. Kaupan yhteyvessä meilä on kans kirjakauppa missä on olletikki nauttista eli merialan kirjalisuutta sekä pienile ette raahvaile lukijoile.

Perheetoiminat

Sjöhistoriska museummilä on paljon toimintoja koko perheele. Meän luovaversta Ruskpricken on auki aina viikonloppuna ja kaikki luvat paitti kesälupa. Ruskprickenissä raahvaat ja lapset saavat 50 kruunun materiaalikostanuksela luoa omia hommia myseymmin eri teemoitten lähtökohasta. Myseymmin kellarissa on popylääri leikkihuone Saltkråkan ja ruokalaukkuhuone. Täälä lapset saattavat aijaa höyrylaivaa Ljusterö eli seilata Södra Stäketin Vedjakti Josefinaa. Kahessa pienessä puojissa saattaa ostaa kauppapuojista eli istahtaa ja lukea.

Lyhyitten koululuvitten aikana myseymmilä on erikoisia lupaprukrammia aktiviteetitten kans.