Galärvarvet från vattnet. Vasamuseet med museifartygspiren framför. Vid piren ligger Isbrytaren Sankt Erik, fyrskeppet Finngrundet och M20. Till höger vid kajen ett antal andra segelskutor.

Sjöhistoriska museummi ei ole aivan Ladugårdsgärdetin myseymmirakenuksessa. Kesän aikana meilä on kans aktiviteettia Galärvarvetila, joka on Djurgårdenila Vasamuseummin takana.

Venehalli 2

Täälä on Venehalli 2 (Båthall) missä myseymmi näyttää ja säilyttää osan sen venekokoelmasta. Venheet on 1700-luvulta aina 1900-luvule. Yhteensä on noin 50 venettä ja muturia sekä kuninkhaan venheet – Vasaorden, Galten ja Delfinen.

Myseymmilaivat

Piirilä makkaa Sjöhistoriskan myseymmilaivat – Sankt Erik (Pyhä Erkki) ja Finngrundet

Sankt Erik

Sankt Erik on Ruottin ensimäinen merijäänmurtaja ja rakenethiin Finnboda Varfissa 1915. Se oli Tukholman kaupunki joka tartti saa jäämurtajan ette pittää auki saaristoreitit kaupunkhiin. Kovitten talvitten aikana Sankt Erik lainathiin kans valtiole. Se auttoi sillon merenkulkua Pohjanmerelä ja Skånen rannikolla. 1977 Sankt Erik otethiin toimesta ja vuelta 1980 se on myseymmilaiva.

Finngrundet

Finngrundet on fyyrilaiva joka rakenethiin Gävlessä 1903. Fyyrilaivat toimit ennen juuri fyyrinä. Kansanvälisitten säänöitten mukhaan fyyrilaivat olit aina punamaalatut ja venheen nimi oli maalattu suurila valkeila puukstaavila pitkin laivansyrjiä. Finngrundet makkoili ankkurissa etelä Pohjanmerelä vuen jäättömän aikakautena. Laiva otethiin käytöstä 1969 ja on vuelta 1970 myseymmilaiva.

Kesän aikana molemat myseymmilaivat on auki kävijöile. Ota huomihoon ette laivoissa on rajotettu tillaa lastenvaunule ja rullatoolile.